Kryeministri Edi Rama ka ndarë paraditen e sotme disa foto me momentet e takimit të djeshëm me familjen e ish-Presidentit Hashim Thaçit, i cili ndodhet prej 1 viti në Hagë.
Përqafime e dhurata shihen në fotot e ndara mëngjesin e sotëm nga kreu i qeverisë në Instagram dhe Facebook. Përqafimi me babanë e Thaçit, Haxhi Thaçin, zë vendin e parë në fotogalerinë e ndarë nga Rama.
Postimi i Ramës:
‘MIRËMËNGJES dhe me emocionet e vizitës në familjen e Presidentit Thaçi, ju uroj një javë të mbarë’- shkruan Rama.
View this post on Instagram
Vizita u zhvillua ditën e djeshme, një ditë para mbledhjes së dy qeverive. Kujtojmë se, sot do të zhvillohet mbledhja e 8-të mes qeverisë së Shqipërisë dhe asaj të Kosovës. Në Prishtinë, do të takohen delegacionet e dy qeverive.
Gjithçka pritet të nisë në orën 11.15, për të vijuar me fjalë të mbajtur nga 2 kryeministrat, Edi Rama dhe Albin Kurti, e më pas nga anëtarë të dy kabineteve për të parashtruar çështjet kryesore dhe marrëveshjet për nënshkrim. Pas ceremonisë do të ketë edhe një konferencë të përbashkët për shtyp.